أهـل الـقصر/كاظم خبط

أهـل الـقصر/كاظم خبط
احببت ان انقل اليك قصيدة قريبة على قلوب الفقراء
فيقول الشاعر المرحوم كاظم خبط احد اللذين حملوا عبئ
الفقراء على عاتقه حينما كان اولاد القصور يطردون الفقراء
فيأتي الفقير لأمه بحزن ويقول :

يمة ذوله اهل القصر ما لاعبوني
يمة من شافوني اجيت تنادسوا واستغربوني
يمه ماسموني باسمي
وكالو هذا ابن الفقير وشتموني
وكالو هذا ابن الصريفه وعيروني
يمة جا هو الفقير اشسوه من نجله ابعمرهم ؟
يمه جا هيه الصريفه شماخذه وخايف قصرهم
يمه كالوا لاتمر منا بعد بالك تشم ريحة وردنه
وكالو بجدمك الحافي نخاف يترب عكَدنه
يمه عدهم كلشي عدهم واحنه بس الماكو عدنة ..
يمه لاعابات عدهم مدري شنهي , وانه لعاباتي طين
, يمه حته ثيابهم مستغربتني يعاتبن ثوبي الحزين
, يمه جا ليش احنه فقره وليش اهلهم زناكَين
يمــــــه دين الفقره متعب خل نبدله بغير ديــــــن..
وليش ماعدنه قصر عالي مثلهم ؟
موش ابونة اليبني هاي قصورهم كل هالسنين
وليش ماعدنه ورد يمه مثلهم؟
موش ابونة اليزرعلهم بساتين؟
يمة مو كتيلي مره . ابنادم اطباعه تهم مايهم لونه ..
ويمة مو كَتيلي مرة .
يمة ثاري بس الكَمر بالدنيه يحبنة
اعلينة يسهر دوم ماغمض اعيونة
يمة خاف الكَمر هم ينباع والهم يشترونة .؟
يمة امس مر بينة فارس
خضرن دمعاتنة بروحه سوالف
لونة لون وجوهنه ويشكي مثله
يمة والعباس جنه من الصرايف
سولفنه شكثر سولف كلهن سوالف جديده
يمة كَال الحكَه بيد الغير جا شيسوي بيده
يمة كَال السكك كثرة . الفرح بالسكة البعيده


كـــــــــاظم خبـــــــط